Көкшетау қаласындағы Қоғамдық келісім сарайында 2016 жылғы 5 қарашада  әзербайжан мәдени күні шеңберінде Әзербайжан Республикасының Қазақстан Республикасындағы Төтенше және уәкілетті елшісінің орынбасары Рамазанов  Агаджавид  Агамехдиоглымен, дипломаттармен, қоғам қайраткерлерімен, Қазақстан халқы Ақмола ассамблеясы жанындағы этномәдени орталықтардың өкілдерімен кездесу ұйымдастырылды.

Дөңгелек үстел басындағы кездесуде Қазақстанда өмір сүретін түрлі ұлт өкілдерінің басты құндылықтары – ұлтаралық, конфессияаралық келісім, Қазақстан халқының бірлігі туралы сындарлы әңгіме болды.

Қазақстан халқы Ақмола ассамблеясының «Үлкен ел – Үлкен отбасы» жалпыұлттық жобасының шеңберінде өнер көрмесінің ашылуы болды, «Ақмола облыстық әзербайжандар қауымдастығы» республикалық қоғамдық бірлестігінің бастамасымен және облыс әкімінің аппараты жанындағы «Қоғамдық келісім» КММ қолдауымен ҚР Тәуелсіздігінің 25 жылдығына арналған «Мүслім Магомаевты еске алуға арналады» атты фестиваль өтті.

Қазіргі таңда әзербайжан ұлтының өкілдері республиканың саяси және экономикалық өмірінің белсенді қатысушылары болып табылады.

Біздің республиканың барлық аймақтарында әзербайжан этносының өкілдері Қазақстан халқы Ассамблеясына мүше болып табылады, олардың ұлттық мәдени орталықтары белсенді қызмет етеді.

Іс-шарада Көкшетау қаласының әзербайжан қауымдастығының атынан Шихалиев  Назим  Абыоглы сөз сөйледі.

Бақыт Мұхамедрахимова – Тасова,

Ақмола облысы

әкімінің аппараты жанындағы

 «Қоғамдық келісім» КММ

баспасөз хатшысы

Кейін қарай