Маңғыстау облысы әкімі аппараты «Қоғамдық келісім» КММ-нің ұйымдастыруымен Қазақстан Республикасы Тәуелсіздігінің 25 жылдығына орай, «Мың бала» республикалық мәдени-ағартушылық жобасын өткізудің тұжырымдамасына сәйкес, «Тиімді тілдік орта» демалыспен ұштастырылған атты қазақ тілін оқыту алаңдары, ұлттық және спорттық ойындар, байқаулар мен викториналар өтті. Балабақшалар, мектептер және жазғы демалыс лагерлерінде балалардың уақытын тиімді, көңілді өткізу мақсатында №10 жалпы білім беру орта мектебі жанынан ашылған «Ботақан» лагерінде қазақтың ұлттық ойындар сайысы өткізілді. Аталған шараға «Ботақан» лагерінен 60-тан астам аралас ұлт өкілдерінің балалары  қатыстырылды. Қазақтың ұлтық ойындарынан - асық, арқан тарту, тоғыз құмалақ, білек сынасу және т.б ойындар болды.  Сайысқа «Тұлпар» және «Көкпар» топтары қатысып, нәтижесінде Көкпар тобы бірінші орынды иеленді.

Сонымен қатар балалардың білімділігін арттыру мақсатында қазақтың салт-дәстүрлерін дәріптеуге арналған викториналық сұрақтар қойылды.

Сондай-ақ шара барысында «Қазақстан кәрістер қауымдастығы» РҚБ Ақтау қалалық филиалының төрайымы Маденова Раиса Ивановна балаларды құттықтап, оларға сыйлықтарын табыстап, естелік суретке түсті. Ойынға қатысқан балалардың барлығына МО «Қоғамдық келісім» КММ-сі тарапынан сыйлықтар таратылды. Шара соңында балаларға Армян этномәдени орталығының мүшесі кішкентай жас әнші Армен Саакян қазақша әдемі андерін шырқаса, «Нұр би» ансамблі армян ұлттық биін көпшілік назарына ұсынды. «Ботақан» лагерінің демалушы балалары мерекелік шараға белсене қатысып, ризашылығын білдіріп, көңілді күймен тарқасты.

МОӘА «Қоғамдық келісім» КММ баспасөз қызметі

Кейін қарай