Қазақстан халқы Ассамблеясы

22 Мамыр, 2019

3287

Елбасы Нұрсұлтан Назарбаев Еңбек және халықты әлеуметтік қорғау министрі Бердібек Сапарбаевты қабылдады

Кездесуде Қазақстанның Тұңғыш Президентіне «Әлеуметтік қамқорлық» атты жаңа әлеуметтік шараларды түсіндіру жөніндегі үкіметтік жұмыс тобының қызметі туралы мәлімделді.
Нұрсұлтан Назарбаев Бердібек Сапарбаевтың министрлік алдына қойылған міндеттерді шешу үшін мол тәжірибесі мен басқару машығы бар екенін атап өтті.
– Тәжірибеңіз көп. Маңызды жұмыстарды атқардыңыз. Үш облысты басқардыңыз. Жақсы жұмыс істедіңіз. Көп сала бойынша Ақтөбе облысының көрсеткіштерін көтердіңіз. Сіз министрлікке осы саладағы жұмыстарды жақсарту үшін тағайындалдыңыз. Тәжірибелі азамат керек болды. Халқымыздың игілігі үшін белгіленген мәселелердің бәрін шешу қажет, – деді Елбасы.
Бердібек Сапарбаев Нұрсұлтан Назарбаевқа министрлік тарапынан қазақстандықтардың тұрмыс деңгейін көтеруге бағытталған жаңа әлеуметтік шараларды жүзеге асыру үшін атқарылып жатқан жұмыстар жөнінде әңгімеледі.
Қазақстанның Тұңғыш Президенті мұқтаж адамдарға көмек көрсету үдерісіне тиісті бақылау жасаудың қажеттігін атап өтті.
– Қазір әлеуметтік салаға бөлінетін қаражат мемлекет табысының жартысына жуығын құрайды. Барлық жұмысты жүйелендіру қажет. Ең алдымен, азаматтарымыз жұмыс орындарымен қамтылуға тиіс. Әрине, белгілі бір жағдайларға байланысты жұмыс істей алмайтындар бар. Біз соларға көмектесуіміз керек, – деді Елбасы.
Сонымен қатар, Б. Сапарбаев өңірлерде тұрғын үй мәселелерін шешу және ерекше қамқорлыққа мұқтаж адамдарға қолдау көрсету үшін атқарылып жатқан жұмыстар туралы баяндады. Министр бизнестің әлеуметтік жауапкершілігі қағидатын жүзеге асыру аясында кәсіпкерлермен бірге қолға алынып жатқан шаралар туралы айтты. Бердібек Сапарбаев, сондай-ақ, көші-қон және көп балалы отбасылар мен оралмандарға қолдау көрсету мәселелеріне тоқталды.
Соңында Нұрсұлтан Назарбаев министрлік тарапынан атқарылып жатқан жұмыстардың маңыздылығына тоқталып, белгіленген міндеттерді тиімді шешу қажеттігін атап өтті.

Akorda.kz



Оқи отырыңыз:
БҰЛ КҮНІ - 21 МАМЫР
ЖАНСЕЙІТ ТҮЙМЕБАЕВ: ГЕРМАНИЯМЕН ЫНТЫМАҚТАСТЫҚТЫ ДАМЫТУҒА БАСЫМДЫҚ БЕРІЛЕД
ТАҒДЫР ТАЛАЙЫНА ҰШЫРАҒАН ХАЛЫҚТАРДЫ ҚҰШАҒЫНА СЫЙДЫРҒАН ҚАРАҒАНДЫНЫҢ ТӨРІНДЕГІ ДОСТЫҚ ҮЙІНЕ САЯХАТ

Кейін қарай

Тұңғыш Президент – Елбасы Нұрсұлтан Назарбаев Еңбек және халықты әлеуметтік қорғау министрі Бердібек Сапарбаев Әлеуметтік қамқорлық

Ұқсас жаңалықтар

Ең оқылымды

9 Қыркүйек, 12:24

Алматыда Қазақстан халқы тілдері күніне арналған «Қазақ тілі – қазығым» байқауы өтті

9 Қыркүйек, 16:49

ҚХА Төрағасының орынбасары «Ассамблея жастары» республикалық қоғамдық бірлестігінің төрағасымен кездесуі өтті

10 Қыркүйек, 08:32

Қырғызстаннан келген делегация ҚХА-ның қазақстандық тәжірибесімен танысты

11 Қыркүйек, 17:08

Қазақстан халқы Ассамблеясы киберспортты қолдайды

13 Қыркүйек, 15:04

ҚХА Төрағасының орынбасары «Ахыска» түрік этномәдени орталығы» ҚБ төрағасымен кездесуі өтті

Ұқсас жаңалықтар