Нұр-Сұлтан қаласында Қазақстан халқы Ассамблеясы Ғылыми-сарапшылық кеңесінің кеңейтілген отырысы өткізілді.

Кеңейтілген отырыс жұмысына ҚХА Төрағасының орынбасары Марат Әзілханов, ҚР Президенті жанындағы ҚСЗИ директоры Зарема Шаукенова, ҚХА Ғылыми-сарапшылық кеңесінің төрайымы, ҚЭЗИ директорының орынбасары Айгүл Сәдуақасова, сондай–ақ ҚР Ақпарат және қоғамдық даму, ҚР Білім және ғылым, ҚР Мәдениет және спорт министрліктерінің өкілдері, ҚХА Ғылыми-сарапшылық кеңесінің және ғылыми-сарапшылық топтарының мүшелері қатысты.

Кеңейтілген отырыстың күн тәртібінде ҚХА-ның Тәуелсіздікті нығайтуға қосқан үлесі, ҚХА Ғылыми-сарапшылық кеңесі жұмысының нәтижелері, ҚХА Ғылыми-сарапшылық қоғамдастығы қызметінің жаңа жоспарлары мен перспективалары, ҚХА ҒСК мүшелерін ротациялау туралы мәселе қаралды.

ҚХА Төрағасының орынбасары Марат Әзілханов өз сөзінде ғалымдар мен сарапшылардың ұлттық дамудың терең үдерістерін зерделеу, мемлекеттік саясатты іске асырудың тиімді тетіктерін әзірлеу бойынша маңызды миссияны атқаратынына және стратегиялық міндетті орындайтынына назар аударды.

Отырыста жалпыұлттық бірлік пен этносаралық қатынастар саласында іргелі және қолданбалы зерттеулердің, докторлық және магистрлік диссертациялардың басым тақырыптарының тізбесін әзірлеу ұсынылды. Сондай-ақ, зерттеу нәтижелерімен, соңғы жарияланымдармен алмасу бойынша сарапшылар үшін ақпараттық база мен интерактивті алаң құрудың маңыздылығы атап өтілді.

Мемлекеттік этносаясатты және ҚХА қызметін ғылыми-сараптамалық сүйемелдеудің үздіксіз процесін қамтамасыз ету мақсатында «ҚХА ҒСК құрметті мүшесі» қоғамдық атағы құрылды, сондай-ақ жас ғалымдар мен сарапшылар пулы ұсынылды.

Кейін қарай