Бүгін елордада Триатлон парк аумағында Қазақстан Халқының Бірлігі күніне орай мерекелік жүгіріс өтті.

Ұйымдастырушылар — Қазақстан халқы Ассамблеясы, Астана қаласының әкімдігі және Қазақстан триатлон федерациясы.

Іс-шараға Қазақстан халқы Ассамблеясы төрағасының орынбасары Марат Әзілханов, Гиннес рекордтар кітабының рекордсмені Сергей Цырульников, Астана қаласы әкімінің орынбасары Есет Байкен, Қазақстан Республикасы Парламентінің депутаттары, Қазақстан халқы Ассамблеясының мүшелері, сондай-ақ этномәдени бірлестіктердің өкілдері қатысты.

Жарысқа қатысушылар 2,5 және 5 км қашықтыққа, ал ең жас спортшылар 500 метрге жүгірді. Мәре сызығына жеткен марафоншылардың барлығы естелік медальдармен марапатталды.

Республикалық жарыс аясында саябақ аумағында көшеттер отырғызылды. Бірлік күні мерекесі — халқымыздың ауызбіршілігі мен бірлігінің күшін айқындайды.

Кейін қарай