Нұр-Сұлтан қаласының «Жетісу» саябағында қала әкімдігінің қолдауымен Нұр-Сұлтан қаласы Қазақстан халқы Ассамблеясының қырғыз, белорус, ұйғыр және еврей этномәдени бірлестіктерінің шығармашылық топтары елорда тұрғындары мен қонақтарына арнап концерт ұйымдастырды.

Жаздың жайма шуақ демалыс күнінде елорданың көз тартарлық әдемі саябақтарының бірінде жиналған жұртшылық өз өнерлерін ортаға салған этномәдени бірлестіктердің шығармашылық топтарымен бірге әуелетіп ән салып, бұрала би билеп, көңіл көтерді.

Естеріңізге сала кетсек, «Студенттер» саябағында 5 мамыр күні елорда Ассамблеясының татар-башқұрт, славян және шешен-ингуш, 12 мамырда украин және неміс, 19 мамыр күні «Жерұйық» саябағында дала казактары мен корей, 26 мамыр күні «Жетісу» саябағында өзбек, грузин, поляк және қарақалпақ этномәдени бірлестіктерінің шығармашылық топтары өз өнерлерін паш еткен болатын.

Кейін қарай