Қазақстан халқы Ассамблеясы

07 Шілде, 2021

33

Елордалық ҚХА «Ел жүрегі – Нұр-Сұлтан!» концертін өткізді

Нұр-Сұлтан қаласындағы Есіл өзені бойында тұрған Амфитеатрдың сахна алаңында Елорда күніне арналған мерекелік концерт өтті. Бұл кеште елорда этномәдени бірлестіктерінің көркемөнерпаздар ұжымдары өнер көрсетті.

Шараны Нұр-Сұлтан қаласы Қазақстан халқы Ассамблеясы ұйымдастырды. Игі шарада Қазақстан Тәуелсіздігінің 30 жылында қол жеткізген жетістіктер дәріптеліп, елорданың оң имиджін қалыптастырудағы жарқын істер әңгіме өзегіне арқау болды. Сонымен бірге, әрбір этномәдени бірлестіктің салт-дәстүрлері мен әдет-ғұрыптарына басымдық беріліп, олардың шығармашылық жұмыстары жұртшылыққа кеңінен таныстырылды.

Аталған іс-шара карантиндік талаптарды қатаң түрде ескере отырып өткізілді. Бұл шараға Нұр-Сұлтан қаласы Қазақстан халқы Ассамблеясының мүшелері, мемлекеттік органдар мен үкіметтік емес ұйым өкілдері, қала тұрғындары мен қонақтары қатысты.


Кейін қарай