Ш.Есенов атындағы Каспий мемлекеттік технологиялар және инжинириниг университетінің «Халықаралық қатынастар» мамандығының
2-ші және 3-ші курс студенттері Достық үйіндегі этномәдени бірлестіктердің мұражайына саяхат жасады. Мұражайда  этностардың жәдігерлері көрмеге қойылған.

Экскурсия барысында Маңғыстау облысы әкімі аппаратының «Қоғамдық келісім» коммуналдық мемлекеттік мекемесінің қызметкері Айгүл Төреғалиева студенттерге этномәдени бірлесіктердің көрмеге қойған құнды жәдігерлерін таныстырды. «Біздің мұражайда Маңғыстау облысындағы 21 этномәдени бірлестіктің жәдігерлері қойылған. Мұнда өзге ұлт өкілдерінің ұлттық киімдері, ыдыс-аяқтары сынды дүниелері қойылған. Бұл бұйымдар жиі-жиі, кейде ай, апта сайын жаңартылып отырады», - деді А.Төрегалиева.

Іс-шараға «Қазақстан кәрістері ассоциациясы» Республикалық қоғамдық бірлестігінің Ақтау қалалық филиалының төрайымы Райса Маденова-Хван қатысып, кәріс ұлтының ұлттық құндылықтары туралы айтып өтті. «Біздің жасақтаған көрмемізде өзіміздің ұлттық киімімізді, кітаптарымызды және т.б заттарды қойдық. Жалпы біздің ұлтымыздың үлкенді сыйлау, сәлем салу сынды кей қасиеттері қазақтарға ұқсайды. Біз сол жағынан келгенде рухани жақынбыз деп айта аламын. Біздің этномәдени бірлестіктің ақсақалдары мен әжелері әрдайым жастарымызға тәрбиелік маңызы зор түрлі ақыл-кеңестерін айтып  отырады. Бүгінгі таңда Қазақстанды 130-дан аса ұлт мекен етіп,  тату-тәтті өмір сүреді. Оның барлығы біздің Елбасымыздың сындарлы саясатының арқасы деп білемін. Мен осындай Қазақстанда тұратынымды мақтат тұтамын», - деді ол.

Іс-шара барысында белсенді топ Қазақстан халқы Ассамблеясы жайлы фильмді көріп, талқылады. Өз ойларын ортаға салған жастар, түрлі мәселелер бойынша пікір алмасып, естелікке суретке түсті.

МО ӘА  «Қоғамдық келісім» КММ баспасөз қызметі

Кейін қарай