1 мамыр - Қазақстан халқының бірлігі күні Ақтөбеде «Бір шаңырақ астында» атты мерекелік шеру өтті. Іс-шараға этномәдени бірлестіктердің өкілдері, еңбек ұжымдары, студенттер мен қоғамдық бірлестіктердің өкілдері қатысты.

Шеру «Бірлік пен келісім» бульварында жалғасын тауып, салтанатты іс-шараға ұласты. Облыс әкімі Бердібек Сапарбаев ақтөбеліктерді мерекемен құттықтап, елдің дамуы ең бастысы халықтың достығы мен бірлігіне байланысты екенін атап өтті.

«Қазақстандағы достық лабораториясы, Ассамблея — дүниежүзі үлгі алатын біздің үлкен жетістігіміз. Әрбір қазақстандықтың алдында тұрған үлкен міндет – осы құндылықты сақтап, ұрпаққа қалдыру»,- деп Қазақстан халқы Ассамблеясының қоғамдық келісім мен ел бірлігін нығайтудағы еңбегін ерекше атап өтті.

Құттықтау сөзінен кейін облыс басшысы 18 этномәдени бірлестіктердің өкілдеріне облыс әкімінің грантын табыс етті. Салтанатты іс-шара аясында қала тұрғындары этномәдени бірлестіктердің шығармашылық ұжымдары, облысқа белгілі әншілердің мерекелік концерттік бағдарламасын тамашалады.

Кейін қарай