2016 жылғы 22 қаңтар күні облыс әкімдігінің мәжіліс залында Оңтүстік Қазақстан облысы әкімінің орынбасары Е.Айтаханов облыстық этномәдени бірлестіктері төрағаларымен кездесу өткізді. Мәжілісте облыстық славян этномәдени бірлестігінің төрағасы Ю.Кирюхин, облыстық шешен-ингуш этномәдени бірлестігінің төрағасы Х.Бациев 2015 жылы атқарылған жұмыстар жөнінде айта келіп, биылғы жылға арналған жоспарларымен бөлісті. Жиында сөз алған облыс әкімі аппараты басшысының орынбасары-облыстық ассамблея хатшылығының меңгерушісі М.Қалмұратов Оңтүстік Қазақстан облыстық Қазақстан халқы Ассамблеясы (ҚХА) жанынан журналистер мен блогерлер клубын құруды ұсынып, ол көпшілік тарапынан қолдау тапты. Сонымен қатар, облыстық, қалалық, аудандық ҚХА Қоғамдық келісім кеңестерінің ережелерін және құрамдарын бекіту мәселелері қаралып, тиісті шешімдер қабылданды. Жиын соңында бірлестік төрағалары биылғы жылға арналған іс-шара жоспарларына қатысты ұсыныс-пікірлерін білдіріп, ел Тәуелсіздігінің 25 жылдығы аясында атқарылатын шараларға белсене қатысатындықтарын жеткізді.

Кейін қарай