Орал қаласының  Достық үйінде  Батыс Қазақстан облысы   Қазақстан халқы Ассамблеясы  «Ламед»  еврей этномәдени бірлестігінің  ұйымдастыруымен   «Еврей жаңа жылы»  тойланды.

Іс-шараға Қазақстандағы Ресей Федерациясының  консулы  Саид Забитов, Батыс Қазақстан облысының Қазақстан халқы Ассамблеясы  төрағасының орынбасары   Данильбек Саратов, этномәдени бірлестіктерінің жетекшілері    қатысып, құттықтау сөздерін жеткізді.

Бұл жолы еврей халқының Жаңа Жыл мерекесі  «Этностартың мәдени  күні» жобасы аясында өткізілуде. Қазақстан Республикасының 25 – жылдығына арналған аталмыш мереке мақсаты - патриотизмді нығайтуға ықпал ету, ұлттық дәстүрлерге құрметпен қарау, азаматтарды біріктіру, топтастыру, достық пен халықаралық бірлікті сақтау. Батыс Қазақстан облысының Қазақстан халқы Ассамблеясы  төрағасының орынбасары Данильбек Саратов өз сөзінде:  «Халықтар достығы мен ұлтаралық, конфессияаралық келісімді нығайту, ұлттық бірлікті сақтау біздің Тәуелсіз еліміздің басты бағыттарының бірі. Қазақстанда тұратын ұлттар мен ұлыстардың  дәстүрлерін, тілдері мен діндерін, салттарын сақтау және дамыту  мемлекетіміздің  саясаты», – деді.

Еврей Жаңа жылы Рош а Шана қыркүйек, қазан айларында  еврейлердің тишри календары бойынша тойланады. Жаңа жылда еврей халқы өткен жылдағы өмірін талдап, жаңа жылға таза ниетпен аяқ басып кіру керек деп санайды.

***

Еврей этномәдени бірлестігі 1989 жылдан бастап облысымызда жұмыс жасап келеді, Батыс Қазақстан облысында 1500 астам еврей ұлты мекендеген - олар қоғамның барлық саласында еңбек етіп, елімізді көркейтуге атсалысуда.

Кейін қарай