Достық үйінде Қызылорда облысы бойынша Қазақстан халқы ассамблеясы жанындағы «Кәсіпкерлер қауымдастығы» заңды тұлғалар бірлестігінің кезекті отырысы өтті. Отырысқа Қызылорда облысы бойынша «ҚХА Кәсіпкерлер қауымдастығы» ЗТБ төрағасы Бағлан Қудияров, «Қоғамдық келісім» КММ директорының орынбасары Айбек Дайрабай және бірлестіктің белсенді мүшелері қатысты.

Іс-шарада кәсіпкерлер қауымдастығы жұмысының алдағы уақытқа құрылған жоспары талқыланып, бірқатар ұсыныстар мен пікірлер тыңдалды.

Жиын барысында экономикалық дамудың басты тетігі – шағын және орта бизнесті қолдау қажеттілігі және бұл бағытта жұмысты жандандыру жайы айтылып, құрылыс пен білім саласындағы түйіткілді мәселелер қозғалды.

Айта кету керек, «ҚХА Кәсіпкерлер қауымдастығы» ЗТБ кәсіпкерлер үшін тәжірибе алмасуға, өз идеяларын ұсынуға, пайдалы байланыстар орнатуға, қауымдастық, оның жұмыс бағыттары туралы ақпарат алуға, өзекті мәселелерді талқылауға, бизнесті дамыту саласында пайдалы ақыл-кеңестер тыңдауға мүмкіндік береді.

Өңірлік қауымдастық бірлестігінің отырысы әр тоқсан сайын өткізіліп, онда кәсіпкерлікті дамытудың жаңа бағыттары талқыланатын болады.

Кейін қарай