Қазақстан халқы Ассамблеясы

05 Ақпан, 2024

131

Көкшетау қаласындағы Достық үйінде «Ақ жаулық - Аналардың символы» атты іс-шара өтті

Көкшетау қаласындағы Достық үйінде Халықаралық орамал күніне арналған «Ақ жаулық - Аналардың символы» атты іс-шара өтті.

«Қоғамдық келісім» мекемесі басшысының орынбасары Айгүл Нұрмағанова, Қазақстан халқы Ассамблеясы жанындағы Аналар кеңесінің төрайымы Айнұр Жахина және «Манас» этномәдени орталығының төрағасы Закирдин Жорабеков атаулы күнге орай құттықтау арнады.

Мерекелік концертте қазақ, қырғыз және орыс тілдерінде шырқалған әндер мерекелік көңіл-күй сыйлады.

Мерекенің тәрбиелік мәніне терең назар аударылды. Келін түсіріп, басына ақ жаулық салу көрінісі сахналанып, тәрбиелік мағынасы мол ата-анаға деген құрмет туралы видеофильм көрсетілді. Бұл сәттер отбасылық құндылықтар мен мәдени мұраның маңыздылығын барлық қатысушылардың есіне салды.

"Ақ жаулық - Аналардың символы" іс-шарасы маңызды мерекені атап өтіп қана қоймай, қоғамды мәдени дәстүрлер мен құндылықтардың шеңберінде біріктірді.

Кейін қарай