28 қазанда Көкшетау қаласының Достық үйінде Қазақстан халқы Ассамблеясының «Мемлекеттік тіл-этносаралық қатынас тілі» қоғамдық жобасын іске асыру аясында «Ұлы даланың ұлтаралық тілі» республикалық форумы өтті.

Іс-шараға Қазақстан халқы Ассамблеясы Хатшылығы меңгерушісінің орынбасары Анастасия Щегорцова, Ақмола облысы әкімінің орынбасары Алтынай Амренова, ҚР Мәдениет және ақпарат министрлігінің «Қоғамдық келісім» РММ директоры Элина Масагутова, Ассамблея өкілдері, ҚХА «Мемлекеттік тіл - этносаралық қатынас тілі» жобасының амбассадорлары, сондай-ақ ғылыми-академиялық қоғамдастық қатысты.

Аталған форум мемлекеттік тілді этносаралық қатынас тілі ретінде насихаттау және оның қолдану аясын кеңейтуге ықпал ету мақсатында ашық интерактивті алаң форматында өткізілуде.

Форум аясында тарих ғылымдарының докторы Нұрбек Шаяхмет, филология ғылымдарының кандидаты Гүлжихан Көбденова, тарихшы Марат Өтегенов, ҚР Президенті жанындағы Ұлттық Құрылтай мүшесі Шерзод Пулатов, «Қазақстан» ТРК тележүргізушісі Алла Гаврина мемлекеттік тілді меңгерудегі озық тәжірибелерімен бөлісті. Сонымен қатар, қоғам қайраткері Қанат Тасибеков және «Kaz_uroki» бағдарламасының авторы Сергей Хван шеберлік дәрістерін өткізді.

Кейін қарай