Қазақстан халқы Ассамблеясы

14 Қазан, 2021

12

Көкшетауда ЭМБ басшыларымен кездесу өтті

Ақмола облысы ішкі саясат басқармасының басшысы А.Б. Әміренова этномәдени бірлестіктер және казак қоғамдық ұйымдарының басшыларымен кездесті.

Өз сөзінде Алтынай Байқадамқызы басқарманың этно бағдарланған қоғамдық бірлестіктермен өзара іс-қимылын, этносаралық қатынастар саласында туындайтын мәселелерді кері байланыс арқылы жедел шешуді көздейтін мемлекеттік органдардың қоғамдық бірлестіктермен жұмысының жаңа форматына ерекше назар аударды.

«Қоғамдық келісім» КММ қызметі туралы ақпаратпен мекеме басшысы Е. Б. Нұғыманов бөлісіп, мекеме жұмысының негізгі бағыттары, ҚХА жаңа жобаларының іске асырылу барасы туралы айтып берді.

Дөңгелек үстелге «Санги-Кабуд» тәжік ұлттық-мәдени орталығының төрағасы» У.Ф. Шоназаров, «Чинсон» корей этномәдени орталығының төрайымы Л.К. Лим, Ақмола облысы поляктар бірлестігінің төрайымы Н. М. Нагачевская, Ақмола облысы татарлар мен башқұрттар бірлестігінің төрағасы Р. С. Сулькарнаев қатысты. Олар Достық үйінің облыстық этномәдени бірлестіктермен жүргізіп отырған жұмысына оң баға беріп, «Қоғамдық келісім» КММ қызметінің тиімділігін арттыру бойынша өз ұсыныстарын білдірді. Атап айтқанда, ЭМБ басшылары Достық үйінде «Жаңғыру жолы» жастар бірлестігінің, Ақмола облыстық ҚХА еріктілер қозғалысының мүшелеріне арналған коворкинг орталығының іске қосылуы туралы, «Шаңырақ» тілдерді оқыту клубының жаңа мәртебесін айқындау туралы айтты. Ақмола облыстық «Вайнах» шешен-ингуш қоғамының төрағасы Г.Яндиев мемлекеттік органдар өкілдерінің назарын этносаралық қатынастар саласындағы жанжалды жағдайларға жол бермеу жөніндегі комиссияның жұмысын қайта жандандыру мәселесіне аударды.


Кейін қарай