Қазақстан халқы Ассамблеясы

21 Маусым, 2021

30

Көкшетауда Әкелер одағының ұйымдастыруымен дөңгелек үстел өтті

Маусым айының үшінші жексенбісі Әкелер күні мерекесі қарсаңында Көкшетау қаласының №2 орта мектебінде Ақмола облысы Әкелер одағының ұйымдастыруымен дөңгелек үстел өтті. Оның жұмысына Әкелер одағының мүшелері, жас әкелер, Әділет департаментінің, Білім басқармасының өкілдері, психологтар, бұқаралық ақпарат құралдары қатысты.


Дөңгелек үстелге қатысушылар қазіргі заманғы отбасыларда әке тек қаражат тауып, отбасының барлық шығындарын өз мойнына алуы керек деген қате стереотип қалыптасқандығы туралы ортақ пікірде болды.

- Әкелер отбасында аналарға қарағанда маңызды рөл атқаратынын естен шығармауымыз керек. Егер осы қағиданы басты назарда ұстасақ, ер адамдардың жауапкершілігі артып, ажырасу да төмендер еді, - деп атап өтті қалалық Әкелер кеңесінің төрағасы Бекзан Алмасбек өз сөзінде.

Ақмола облысы Әкелер одағының торағасы Е.Ж Закирьянов, №2 орта мектептің директоры Гүлнар Әбдіқасымова және басқа да қатысушылар жас әкелерге арнап тренингтер өткізу, балалар арасында отбасындағы әкенің рөліне арналған эссе-конкурс ұйымдастыру туралы ұсыныстар айтты.

Кейін қарай