Қазақстан халқы Ассамблеясы

26 Ақпан, 2024

94

«Көптүрліліктегі бірлік: халықаралық тәжірибе» тақырыбындағы семинар өтті

Алғыс айту күнін мерекелеу қарсаңында Абылай хан атындағы Қазақ халықаралық қатынастар және әлем тілдері университетінің алаңында«Көптүрліліктегі бірлік: халықаралық тәжірибе» тақырыбындағы семинар өтті.

Іс-шара Алматы қаласының республикалық Достық үйінің жанынан құрылған «Алматы семинары» клубының қызметі шеңберінде өткізіледі. «Алматы семинары» клубының мақсаты – қоғамдық және мемлекеттік қызметтің түрлі салаларының өкілдерін, ғылыми және шығармашылық зиялы қауымды, БАҚ-ты, саясаттанушыларды, әлеуметтанушыларды, сарапшыларды, сондай-ақ халықаралық қонақтарды тарта отырып, сараптамалық талқылау және болашақтың оңтайлы модельдерінің шешімдерін іздеу, Қазақстан Президенті Қ.Қ.Тоқаев ұсынған саясаттың негізгі аспектілерін іске асыру, сондай-ақ, жалпыұлттық келісім мен этносаралық қатынастар мәселелерін шешудегі тәсілдерді қарау болып табылады.

Семинар жұмысына Қазақстан халқы Ассамблеясының мүшесі, э.ғ.к., республикалық Достық үйінің жаңындағы «Алматы семинары» клубының жетекшісі Гульнара Аннакулиева, саяси ғылымдарының докторы, Халықаралық ақпараттық технологиялар университетінің профессоры Дулатбек Қыдырбекұлы, э.ғ.к., Философия, саясаттану және дінтану институтының бас ғылыми қызметкері, философия ғылымдарының кандидаты Дина Ешпанова, Алматы қ. республикалық Достық үйінің өкілдері, Абылай хан атындағы Қазақ халықаралық қатынастар және әлем тілдері университетінің оқытушылары: халықаралық қатынастар кафедрасының профессоры Салават Әзірбаев, саясаттанушылар, «Алматы семинары» клубының мүшелері Руслан Жакупов пен Мурад Шамилов;этномәдени бірлестіктер мен ҚХА құрылымдарының өкілдері, Абылай хан атындағы Қазақ халықаралық қатынастар және әлем тілдері университетінің халықаралық қатынастар кафедрасының оқытушылары және студенттері, Әл-Фараби атындағы ҚазҰУ студенттері, БАҚ қатысты.

Семинар аясында қазақстандықтар үшін Алғыс айту күнінің тарихи маңыздылығы туралы, Қазақстан халқы Ассамблеясының этносаралық қатынастар саласындағы мемлекеттік саясат жүйесіндегі рөлі, ҚХА құрылымдарының атқаратын жұмыстары туралы айтылды және күн тәртібі бойынша халықаралық тәжірибе қаралды. Сондай-ақ, спикерлер мен қатысушылар Қазақстан халқы Ассамблеясының этносаралық сипаттағы әлеуметтік-маңызды мәселелерді шешуде түрлі салалардағы, оның ішінде қоғамдық ұйымдардың өкілдерімен тиімді ынтымақтастығы мен өзара іс-қимылын арттыруға бағытталған тәжірибелерімен және ұсыныстарымен бөлісті.


Кейін қарай