Қазақстан халқы Ассамблеясы

29 Қараша, 2022

47

ҚХА Екібастұз тұрғындарына көмек көрсетті

Қазақстан халқы Ассамблеясы Екібастұз тұрғындарына 650 жылытқыш жеткізді. Көмек көрсету бойынша алғашқылардың бірі болып, Қазақстан корейлерінің Қауымдастығы белсенділік танытып, оның басшысы Юрий Германович Шин Екібастұзда жедел штабта және қала тұрғындарымен кездесулер өткізуде.

«Біз депутаттармен, халықпен кездесіп, техногендік апатқа байланысты қала тұрғындарының қажеттіліктерінің көлемін анықтау мақсатында жедел штабпен бірлесіп жұмыс жүргізу үшін Екібастұз қаласына келдік», - деді Юрий Шин.

Оның айтуынша, Ассамблеяның кәсіпкерлері мен қайырымдылық жасаушылары қала тұрғындарына көмек көрсету туралы үндеуге ізін суытпай, жылдам үн қосты.

«Қазақстан халқы қиналған кездері Қазақстан халқы Ассамблеясы қашанда алдыңғы қатарда болды, бұрын да солай болған, қазір де солай болады. Өйткені бірлік пен ынтымақ қашанда нақты істермен расталады», - деп қорытындылады Юрий Шин.

Бұған дейін Ассамблея Достық үйлерінде Екібастұз тұрғындары үшін көмек жиналып жатқаны туралы жариялаған болатын.


Кейін қарай