Қазақстан халқы Ассамблеясы

29 Қараша, 2016

1451

ҚХА Кеңесінің кеңейтілген отырысы өтті

2016 жылғы 29 қарашада Қазақстан Республикасының Мемлекеттік хатшысы Г.Н.Әбдіқалықова Қазақстан халқы Ассамблеясы Кеңесінің ел Тәуелсіздігінің 25 жылдығына арналған кеңейтілген отырысына қатысты.

Отырысқа ҚХА Төрағасының орынбасары - Хатшылық меңгерушісі Е.Л.Тоғжанов, ҚР Парламент Мәжілісінің депутаттары, Ассамблея мүшелері, қоғам қайраткерлері мен зиялы қауым өкілдері қатысты.  

Гүлшара Әбдіқалықова өз сөзінде Тәуелсіздік жылы «Мәңгілік Ел» патриоттық актісі қабылданғанын, Ассамблеяның институционалдық тұрғыдан нығайтылып, жаңа функционалдық бағыттарының жүзеге асқанын атап көрсетті. Бұл ҚХА қоғамдық келісім кеңестері мен медиация жүйесі орныққан, «Үлкен ел – Үлкен отбасы» жалпыреспубликалық жобасы мен ҚХА-ның ауқымды қайырымдылық жобалары жүзеге асқан жыл болды.

ҚР Мемлекеттік хатшысы қатысушыларды Тәуелсіздіктің 25 жылдығымен құттықтап, Ассамблея мүшелерінің, этномәдени бірлестіктер мен ҚХА құрылымдарының қоғамдағы бірлік пен келісімді, тұрақтылықты қамтамасыз етудегі үлесін атап өтті.

Отырыс барысында Елбасы – ҚР Тұңғыш Президенті Н.Назарбаевтің басшылығымен еліміздің Тәуелсіздік жылдарында қол жеткізген жетістіктері, қоғамдық келісім мен жалпыұлттық бірліктің қазақстандық моделін қалыптастыру мен дамытудағы Президенттің рөлі талқыланды.

ҚХА кафедралары қауымдастығының төрағасы А.А.Башмаков өз сөзінде Қазақстан Республикасы Тәуелсіздігінің қалыптасуы мен нығаюындағы Елбасының рөліне тоқталды. Қазақстан халқы Ассамблеясы Төрағасының орынбасары   Р.С.Халмурадов «Қазақстан халқы Ассамблеясы -  Қазақстан Республикасы Тәуелсіздігінің берік негізі» деген тақырыпта баяндама жасады.

Достық үйлері әдістемелік кеңесінің төрайымы Н.Д.Нестерова Тұңғыш Президент күніне арнап ҚР Президентінің жанындағы  «Қоғамдық келісім» РММ шығарған Ізгі тілектер кітабын (халықтың президентке жазған хаттары) таныстырды. «Менің Елім – Мәңгілік Ел» атты жалпыреспубликалық жастар акциясының нышаны «Мәңгілік Ел» жастарының жетістіктері – Қазақстан Республикасы Тәуелсіздігінің 25 жылдығына» - «Достижения молодежи «Мәңгілік Ел» к 25-летию Независимости Республики Казахстан» атты кітап туралы акцияның белсенді қатысушысы  М.Споткай айтып берді.

Сондай-ақ отырыс барысында Қазақстан халқы Ассамблеясы қатарына жаңа мүшелер қабылданды – олар қоғам қайраткерлері, белгілі спортшылар, Қазақстан этностарының жас өкілдері және басқалар.

Жұмыс қорытындысы бойынша ҚХА Кеңесі Мемлекет басшысына үндеу қабылдады.

Кейін қарай

Ұқсас жаңалықтар

Ең оқылымды

15 Тамыз, 17:43

Қазақстандағы орыс, славян және казак ұйымдары қауымдастығында төрағаның бірінші орынбасары тағайындалды

15 Тамыз, 18:34

Қызылордада Жұмысшы мамандықтар жылы аясында «Адал адам – адал еңбек – адал табыс» атты кездесу өтті

20 Тамыз, 18:17

Солтүстік Қазақстан облыстық Қазақстан халқы Ассамблеясының XXIX сессиясы өтті

20 Тамыз, 19:03

М.Қозыбаев атындағы Солтүстік Қазақстан университетінің базасында ЖОО-ның Студенттік Ассамблеясы ашылды.

сегодня, 16:05

Астана қалалық Достық үйінде «Мектепке жол» қайырымдылық акциясы өтті

Ұқсас жаңалықтар