2024 жылғы 17 қыркүйекте Батыс Қазақстан облысы Орал қаласының Достық үйінде облыстық ҚХА Медиация кеңесінің отырысы өтті.

Отырыстың ұйымдастырушысы - Батыс Қазақстан облысы Қоғамдық даму басқармасының «Қоғамдық келісім» КММ.

Іс-шараға Қазақстан РеспубликасыМәдениет және ақпарат министрлігі Этносаралық қатынастарды дамыту комитетінің «Қоғамдық келісім» РММ бас сарапшысы Талшын Италиева, ҚХА республикалық Этномедиация кеңесінің мүшесі, «Батыс Қазақстан медиация және келіссөздер процесі» ЖМ басшысы, медиаторларды даярлау бойынша жаттықтырушы Алия Куртаева, мемлекеттік органдардың өкілдері, облыстық ҚХА Медиация кеңесінің қоғамдық құрылымдарының мүшелері, БАҚ және басқалар қатысты.

Отырыста Этномедитация орталығы қызметі, этносаралық қатынастар саласындағы жанжалдарды алдын-алу және шешу, жанжалдан кейінгі реттеудің тиімді шаралары, сондай-ақ этносаралық қатынастар саласындағы жанжалдарды алдын алудыңтәжірибелік аспектілері қаралды.

ҚР Мәдениет және ақпарат министрлігі Этносаралық қатынастарды дамыту комитетінің «Қоғамдық келісім» РММ бас сарапшысы Талшын Италиева өз сөзінде этносаралық қатынастар саласындағы жанжалдарды алдын алу, сонымен қатар жанжалдар туындаған жағдайларды дер кезінде шешу үшін шаралар қабылдай алатын азаматтар санын арттыру маңыздылығын атапөтті.

ҚХА республикалық Этномедиация кеңесінің мүшесі, «Батыс Қазақстан медиация және келіссөздер процесі» ЖМ басшысы, медиаторларды даярлау бойынша жаттықтырушы Алия Куртаева «Этносаралық медиацияны жүргізу ерекшеліктері. Медиация сессиясындағы зерттеу кезеңі» тақырыбында cеминар-тренинг өткізді.

Кейін қарай