Қазақстан халқы Ассамблеясы

30 Қараша, 2020

144

ҚХА-ның 25 жылдық достық эстафетасы Махамбет ауданына табысталды

Қазақстан халқы Ассамблеясының 25 жылдығына орай бастау алған Достық эстафетасы Атырау облысындағы Махамбет жеріне жетті. Исатай ауданы әкімінің орынбасары Еркебұлан Абилхасимов бастаған делегация тобы Ассамблеяның 25 жылдық символы мен эстафета альбомын махамбеттіктерге ресми түрде табыстады.


Махамбет аудандық мәдениет үйінің киелі сахнасында Қазақстан халықтарының татулығы мен тұрақтылығын паш еткен әсем әндер әуелеп, әуезді күйлер күмбір қақты.


Мерекелік шараға қатысқан Атырау облысы ҚХА «Қоғамдық келісім» КММ басшысы Жанар Ильясова, Қоғамдық келісім кеңес төрағасы Нұржан Ермұханов және облыстық грузин, славян этномәдени бірлестіктерінің төрағалары өздерінің мерекелік лебіздерін айтып, осындай игі істерге бастамашы болған Ассамблеяның жұмысына одан әрі де толағай табыстар мен нәтижелі жетістіктер тіледі.


“Иверия” грузин этномәдени бірлестігінің төрағасы Зураб Бобохидзе:

- Қазақ халқына деген алғысым шексіз. ҚХА-ның 25 жылдығына орай өтіп жатқан осындай маңызды іс шаралар ұлттар арасындағы татулық пен бірлікті одан әрі бекіте түседі деп білемін, - деп мерекелік толқуын жеткізді.

Кейін қарай