Қазақстан халқы Ассамблеясы

31 Мамыр, 2021

182

ҚХА Саяси қуғын-сүргін және ашаршылық құрбандарын еске алу күніне орай бірнеше іс-шара өткізбек

2021 жылғы 31 мамырда Қазақстан халқы Ассамблеясы Павлодар қаласында Саяси қуғын-сүргін және ашаршылық құрбандарын еске алу күніне орай «ТАРИХТАН ТАҒЫЛЫМ – ӨТКЕНГЕ ТАҒЗЫМ» атты дәстүрлі түрде жылда халықаралық жоба аясындабірқатар іс-шаралар өткізеді.

Сағат 12.00-де Павлодар қ. Достық үйінде (М.Жүсіп көшесі, 35/1) «Қазақстан Республикасының тәуелсіздігі: тарих және естелік» ғылыми практикалық форумы өтеді.

Ғылыми практикалық форум жұмысына Қазақстан халқы Ассамблеясы Төрағасының орынбасары М.А.Әзілханов, Павлодар қаласының әкімі А.Сқақов, ҚР Парламенті Мәжілісінің депутаттары В.Нәбиев, Н.Дементьева, қолданбалы этносаяси зерттеулер институтының белгілі ғалым-дәріскерлері, Қазақстан халқы Ассамблеясының мүшелері, облыстық ҚХА ғылыми-сараптамалық тобының өкілдері, депортацияланған және қуғын-сүргінге ұшыраған отбасылардың ұрпақтары қатысады.

Ғылыми-тәжірибелік форумның секциялық бөлігі Қазақстанның ұлттық мемлекеттілігінің қалыптасуы, ХХ ғасырдың 20-30 жылдарындағы ашаршылық, ХХ ғасырдың 30-50 жылдарындағы саяси қуғын-сүргін, Қазақстандағы этностардың жер аударылуы, ҰОС тарихы және т. б. мәселелерді талқылауға арналады.

Форум соңында қатысушылардың баспасөз конференциясы өтеді.

Сондай-ақ, іс-шаралар аясында саяси қуғын-сүргін құрбандары мемориалы мен Жүсіпбек Аймауытовтың ескерткішіне гүл шоқтарын қою рәсімі жоспарлануда.

Кейін қарай