Әйел - ана, әйел - өмір, әйел - тіршілік өзегі. Өмір бесігінде інгә тербетіп, адамзат баласына ұрпақ сыйлар ұлы құдірет иесінің есімі әрқашанда қастерлі, сөзі - өсиет, тұғыры биік. Адамзат жүріп өткен небір ауыр жол, алмағайып заманнан ұрпағын аман-есен бүгінгі күнге жеткізген әйел-ана құдіретін жырмен өрнектеп, әнмен әлпештеп, сөзбен айтып тауысу мүмкін емес. Ана - болашақтың демеушісі, ұлттың жебеушісі, ұрпағының бақыты.

6 наурыз күні халықаралық әйелдер күнін мерекелеу мақсатында Достық үйінде «Тіршіліктің тірегі - асыл жандар» атты форум өтті. Мерекелік іс-шараны ұйымдастырушылар Алматы облыстық Қазақстан халқы Ассамблеясы, «Достық үйі – Қоғамдық келісім орталығы» және облыстық «Вайнах» шешен-ингуш этномәдени бірлестігі.

Форумға Алматы облыстық ҚХА төрағасының орынбасары, хатшылық меңгерушісі Ғ.Тұрсынбай, «Достық үйі – Қоғамдық келісім орталығының» директоры Т.Қасымберкебаев, Достық үйі директорының орынбасары

Ж.Сәдеков, Алматы облысының құрметті азаматы С. Гаитова облыстық ҚХА этномәдени бірлестіктерінің төрайымдары, ардагерлері мен белсенділері қатысты.

Мерекелік кеш барысында облыстық еврей «Авив» этномәдени бірлестігінің төрағасы И.Возчиков, «Барбанг» күрд этномәдени бірлестігінің төрағасы А.Мамуч-оглы, «Вайнах» шешен-ингуш этномәдени бірлестігінің төрайымы А.Ибрагимова барша әйелдер қауымын 8-наурыз Халықаралық әйелдер күнімен құттықтап, ақ тілектерін арнады.

«Өрнек», «Айсұлу» би ансамблдері, Николаев Илияс, Серікбол Шыныбаев, Бақытгүл Әбенова, Юлия Спирченко ақ жаулықты аналарға концерттік бағдарлама ұсынып, кеш барысында жиналған қонақтарға дастархан жайылып, сый-сияпаттар табыс етілді.

Кейін қарай