2025 жылғы 10 сәуірде Өзбекстан Республикасының Қазақстан Республикасындағы Елшілігінде Өзбек ұлттық киімі күніне орайластырылған салтанатты іс-шара өтті.

ҚХА 30 жылдығына арналған іс-шараға Астана қаласының өзбек этномәдени бірлестігінің төрағасы, Қазақстан халқы Ассамблеясының мүшесі Шерзод Пулатов жетекшілік етті. Іс-шараға Өзбекстан Республикасының Қазақстан Республикасындағы Төтенше және Өкілетті Елшісі Бахтиёр Ибрагимов, Қазақстан Республикасы Парламенті Сенатының депутаты Алишер Сатвалдиев, Қазақстанның мемлекет және қоғам қайраткері Ерсұлтан Бектұрғанов, Қазақ технология және бизнес университетінің профессоры, экономика ғылымдарының кандидаты Сапарбай Жұбаев, Lingvo-Ten тіл орталығының директоры Владислав Тен, сондай-ақ халықаралық қатынастар кафедрасының профессоры, М. Нәрікбаев атындағы университеттің Халықаралық экономика мектебінің профессоры Икболжон Қорабоев қатысты.

Сонымен қатар, шараға елордалық ЖОО студенттері мен этномәдени бірлестіктердің жас мүшелері қатысты. Олардың мәдени бастамаларға қатысуы дәстүр сабақтастығы мен ұлттық құндылықтарды құрметтеудің жарқын үлгісіне айналды.

Өзбек ұлттық киімі күніне арналған өлеңнің көркемдік орындалуы ерекше көңіл-күй сыйлады. Бұл мереке мәдени мұраны сақтауға және ілгерілетуге, этносаралық келісімді нығайтуға, сондай-ақ жастар арасында ұлттық құндылықтарды дәріптеуге ұмтылудың айқын дәлелі болды.

Кейін қарай