Ақтөбе облысы Қазақстан халқы Ассамблеясы жанындағы этномәдени бірлестік өкілдері орталық алаңда «Достық үйін» тігіп, ақ дастарханын жайып, есігін айқара ашып, шашуын шашып Ұлыстың ұлы күнін бірге атап өтті.

Ұлыс күні жыл басы саналған Әз–Наурыз күні қазақ елі үшін әрқашан қасиетті, киелі саналған. Ақшаңқан ағаш үйде ұлттар бас қосып, ақсақалдар бір-бірімен қос қолдасып, төс қағыстырып, аналарымыз құшақтасып көрісіп, бір-біріне игі тілектерін жолдады. Алаңға жиналған елді мерекеге арнап дайындалған наурыз көже ішуге шақырды. Сахна төрінде ән салып, би-билеп, алтыбақан теуіп, дәстүрлі ұлттық ойындар (аударыспақ, күрес, асық ату, тең көтеру, т.б.) ойналды.

Этномәдени бірлестік өкілдерінің келіндері ұлттық киім киіп, келген қонақтардың көңілінен шығып қызмет жасап, халықтың көзайымына айналды.

Кейін қарай