Қайырымдылық-адамзат бойындағы ерекше асыл қасиет. Ізгіліктің, сүйіспеншіліктің, адамгершіліктің биік көрінісі.

«Бала-тірек, ел болашағы» деген ұстанымды қолдаған Қазақстан халқы Ассамблеясы «Мектепке жол» акциясын дәстүрлі түрде өткізіп келе жатқанына бірнеше жыл болды.

Акция аз қамтылған және көпбалалы отбасылардан шыққан балаларға, жетім және ата-анасының қамқорлығынсыз қалған балаларға материалдық көмек көрсету және қолдауды көздейді.

«Жақсының жақсылығын айт нұры тасысын» деген, Ұлытау облысында осы үлкен науқанға барынша атсалысып келеді. Облыстық «Қоғамдық келісім» КММ ұйымдастыруымен 28 тамызда Жезді кенті мен Сәтбаев және Жезқазған қаласынан 14 балаға оқу құралдары мен мектепке арналған керек-жарақтар табыс етілді.

Акцияға Ұлытау облысы Аналар кеңесінің мүшелері мен Жезқазған қаласының Ардагерлер кеңесінің мүшелері, «Ұлытау облыстық «Вайнах» шешен-ингуш этномәдени орталығы» ҚБ мүшесі және Ұлытау облыстық «Жомарт жан» меценаттар клубының мүшелері қолдау көрсетті. Аталған акция айдың соңына дейін жалғасын табады.

Кейін қарай