2017 жылы 29 қыркүйекте қазақтың ұлы жазушысы, қоғам қайраткері, ғалым, Ұлттық Ғылым академиясының алғашқы академигі, филология ғылымдарының докторы, профессор Мұхтар Омарханұлы Әуезовтың 120 жылдығына орай «Ғылым ордасы» ғимаратында «Мұхтар Әуезов және халықтың рухани жаңғыруы» атты халықаралық ғылыми симпозиум өтті.

Мұхтар Әуезов Семей, Ташкент, Ленинградта оқып, жұмыс істеді. 1930 жылдан бастап Алматыға көшіп келді. Сол кезеңдегі қаланың тағдыры мен өмірі «Алматы күні» атты шығармасында сипатталды.

Бүгінде жазушы тұрған Төлебаев көшесіндегі 185-үй Алматыдағы қазақ мәдениетінің ерекше бойтұмарындай орталықтардың біріне айналды. Дәл осы жерде ол өзінің атақты «Абай жолы» шығармасын жазып бітірді. Әкімдіктің  қолдауымен ескерткіш музей-үйді «Астана-Стройинвест» корпорациясы қайта жөндеуден өткізді.

«Болашаққа бағдар: рухани жаңғыру» мақаласында Елбасы өзіміздің рухани мәдениетімізді, тілімізді және әдебиетімізді сақтауымыз керек» деп атап айтқан еді. Мұхтар Әуезовтың қаламы – қазақ классикалық әдебиетінің ең үздік мысалына және болашақ буынның таусылмас шабытына айналды», – деп атап өтті өзінің алғысөзінде Алматы қаласының әкімі Бауыржан Байбек.

Симпозиум  барысында Қазақстанның белгілі ғалым-филологтары классик жазушының қазақ әдебиетіндегі шығармашылық және ғылыми мұралары жөнінде және оның заманауи ғылым мен әдебиетте алар орны туралы сөз қозғады. Іс-шараға Алматы қаласындағы этномәдени бірлестіктердің жетекшілері мен активі, АҚШ, Голландия, Ресей, Беларусь, Өзбекстан, Қырғызстан, Ұлыбритания, Түркия және т.б. елдерден ғалым-әдебиеттанушылар  қатысты.

Дата события ассамблеи: 29.09.2017

Кейін қарай