Маңғыстау облысы Қазақстан халқы Ассамблеясының «Бір Тағдыр. Бір Келешек. Біртұтас Ұлт» тақырыбында кезекті XXVI Сессиясы өтті.

Сессияға облыстық ҚХА төрағасы, Қазақстан Республикасы Мәдениет және ақпарат министрлігі Этносаралық қатынастарды дамыту комитетінің төрағасы, облыстық мәслихат төрағасы, ҚХА қоғамдық орынбасарлары, Ақсақалдар және Аналар кеңестерінің мүшелері, ҚХА барлық құрылымдары және жастар қатысты.

Сессияда Президент Қасым-Жомарт Кемелұлы Тоқаевтың Қазақстан халқы Ассамблеясының «Бірлік. Жасампаздық. Өрлеу» атты XXXIII сессиясындағы берілген тапсырмаларының орындалу барысы тағы бір пысықталып, облыстық ҚХА-ның атқарып жатқан жұмыстары мен алдағы міндеттері баяндалды.

Сессияға Маңғыстау облысының әкімі – облыстық ҚХА Төрағасы Н. Қилыбай төрағалық етіп, барлық ҚХА құрылымдарының атқарған жұмыстарымен танысты. Отырыс кезінде облыстық ҚХА-ның қоғамдық орынбасарлары ауысып, жаңа орынбасарлары белгіленді.

Жиын барысында облыс әкімі жергілікті ҚХА-ның белсенді мүшелерін Алғыс хаттармен марапаттап, ҚХА-ның куәліктерін табыстады. Сонымен қатар, барлық облыстық Қазақстан халқы Ассамблеясының құрылымдарына атқарып жатқан жұмыстарына алғыс айтып, алдағы жұмыстарына сәттілік тіледі.

Кейін қарай