Қазақстан халқы Ассамблеясы

13 Наурыз, 2024

211

Маңғыстау облысының Достық үйінде «Ақсақалдардың аталы сөзі» Ақсақалдар кеңесінің республикалық конференциясы өтті

Іс-шараға Қазақстан Республикасы Мәдениет және ақпарат министрлігінің Этносаралық қатынастарды дамыту комитетінің төрағасы Ғалым Шойкин, Қазақстанның Еңбек сіңірген қайраткері, жеңіл атлетикадан КСРО Еңбек сіңірген спорт шебері Әмин Тұяқов, ақын, жазушы Камал Әлпейісова, Астана, Алматы, Шымкент, және облыстардың Ақсақалдар кеңесінің төрағалары қатысты.



Ақ дастархан жайылып, кимешек киген әжелер шашу шашып, О. Құлсымақ және дәстүрлі әншілер ән айтып, қонақтарды қарсы алды. Сонымен қатар қазақтың салтына сәйкес ақсақалдарды келіндер «Сәлем салу» рәсімімен қарсы алды. Артриумда «Айша күмістері» ұлттық бұйымдарының, «Стелла» ұлттық киімдерінің, «Айханым» балалар ұлттық киімдерінің, «Асыл мұра» (көрпе, жастық) бренді өнімдерінің және «Ақнек Берекет Ф» сүт өнімдерінен көрмесі ұйымдастырылды. Қонақтар арнайы тақырыпқа сай безендірілген банер-фотозонаға суретке түсті.

Сонымен қатар конференция барысында спикерлер сөз сөйлеп, Жаңаөзен қаласынан келген белгілі ақын, сазгер, республикалық байқаулардың жүлдегері, танымал әндердің авторы Тілеген Әли алқалы жиынға арнайы әр облыстан келген ақсақалдарға Арнау өлеңін оқыды. Конференция МО ҚХА Ақсақалдар кеңесінің төрағасы Оңайбек Әбділовтың көпшілікке арналған үндеуімен қорытындыланды.

Шара «Отпан тау» тарихи-мәдени кешенінде жалғасын табады.

Кейін қарай

Ұқсас жаңалықтар

Ұқсас жаңалықтар