Қазақстан халқы Ассамблеясы

17 Қыркүйек, 2021

40

Марат Әзілханов Қызылорда облысы ҚХА ЭМБ мен қоғамдық құрылымдарының басшыларымен кездесті

Қызылорда қаласының Достық үйінде ҚХА Төрағасының орынбасары Марат Әзілханов Қызылорда облысы ҚХА этномәдени бірлестіктері мен қоғамдық құрылымдарының басшыларымен кездесті.


Іс-шараға өңірдің этномәдени бірлестіктерінің төрағалары, ҚХА мүшелері, Қызылорда облысы әкімдігінің өкілдері, жастар, БАҚ өкілдері және т.б. қатысты.

Кездесуде Мемлекет басшысының «Халық бірлігі және жүйелі реформалар – ел өркендеуінің берік негізі» атты Жолдауын жүзеге асыруға Қазақстан халқы Ассамблеясының қатысуы мәселелері, сондай-ақ қоғамдық келісім мен жалпыұлттық бірліктің қазақстандық моделін нығайту жөніндегі алдағы уақытта іске асырылатын шаралар талқыланды.

Іс-шара барысында облыстық ҚХА қоғамдық құрылымдарының қызметін қайта форматтау және одан әрі жетілдіру туралы, атап айтқанда, мемлекеттік тілді ілгерілету, қайырымдылық және волонтерлік жұмыстарды күшейту, ҚХА жастар қозғалысын, медиацияны және басқа да өзекті бағыттарды дамыту мәселелері талқыланды.

М.Әзілханов Қызылорда облысы Қазақстан халқы ассамблеясының татулық пен келісімді нығайтуға және өңірдегі барлық этностардың мемлекеттік тілді меңгеруіне қосқан үлесін жоғары бағалады, ҚХА мүшелерінің қайырымдылықты дамытудағы әлеуметтік жауапкершілігін атап өтті.

Кездесу соңында Марат Әзілханов өңірдегі Қазақстан халқы ассамблеясының қоғамдық құрылымдарының жекелеген өкілдеріне Алғыс хаттар тапсырып, қоғамдағы бірлікті, достық пен келісімді нығайту бағытындағы жұмыстары үшін алғыс айтты.


Кейін қарай