Жаңа оқу жылы қарсаңында Алматы қаласы Қазақстан халқы Ассамблеясы «Жомарт жан» жобасы аясында «Мектепке жол» қайырымдылық акциясын өткізуде.

Алматы қаласы ҚХА жанындағы «Жомарт жан» орталығының төрағасы, «Қазақстан ұйғырларының республикалық этномәдени орталығы» ҚБ төрағасы Әлиев Долқұнтай әлеуметтік жағдайы төмен және көпбалалы отбасылардан шыққан балаларға мектепке қажетті құрал-жабдықтар салынған сөмкелерді табыс етті.

Қайырымдылық шарасы Алмалы ауданындағы №144 мектеп-гимназиясында және Медеу ауданындағы №77 мектепте өтті. Жалпы саны 1000-нан астам мектеп сөмкесін тарату жоспарланған.

Бұл шара жаңа оқу жылы қарсаңында тек материалдық қолдау көрсетіп қана қоймай, өсіп келе жатқан жас ұрпаққа қамқорлықтың, қолдаудың және ілтипаттың белгісіне айналды. Мектеп сөмкелерімен қатар балаларға жылы лебіздер, өз-өзіне сенімділік, табысты оқу және білімге құштарлық секілді игі тілектер жолданды.

Кейін қарай