Сіздерді тәуелсіздігіміздің алтын тұғыры – Қазақстан Республикасының Конституциясы күнімен шын жүректен құттықтаймын Мемлекетімізде жүзеге асып жатқан Конституциялық реформа қазақстандық қоғамның одан әрі саяси дамып жетілуіне, әлемдік аренадағы беделінің нығая түсуіне негіз болды.

Елімізде Қазақстан Республикасы Парламент Сенатына, Мәжілісіне депутаттар, жергілікті мәслихаттардың депутаттарын сайлау пропорционалды түрде жүзеге асты. Бұл дегеніміз саяси реформалардың жоғары деңгейде, ең әділ, ең ашық, ең таза жүзеге асып жатқанын көрсетеді.

Құтты да ырысты мекен – тәуелсіз елімізде жүздеген ұлттар мен этностар тату-тәтті тіршілік кешуде. Қазақстан халқы Ассамблеясынан бес депутаттың сайлануы да ұлттық келісім мен татулықтың тұрақтылығын тағы бір дәлелдеп берді. Демократиялық құндылықтарды бекітіп, құқықтық тұғырымызды берік орнықтырып берген Ата Заңымызды әрқашан да қастерлеу, құрметтеу, оны насихаттау басты парызымыз болуы тиіс.

Баршаңызды бүгінгі мерекемен құттықтай келе, елімізге бейбіт өмір, берекелі де мәнді бақыт, отбасыларыңызға амандық тілеймін.

Құрметпен,

Акбаржон Исмаилов

Тәжіктердің республикалық этномәдени

орталығының төрағасы,

ҚХА Кеңесінің мүшесі

Кейін қарай