1 наурыз - Алғыс айту күніне орай облыстық «Үміт» балалар үйінде мерекелік іс-шара болып өтті.

Іс-шараға облыстық «Достық үйі - қоғамдық келісім орталығының» «Вайнах» шешен-ингуш  этномәдени бірлестігінің  жетекшісі  мен белсенділері балалар үйінің тәрбиеленушілеріне тамаша мерекелік кеш сыйлап қайтты.

Іс-шара барысында сөз алған «Вайнах» шешен-ингуш этномәдени бірлестігінің жетекшісі  Т.А Кагерманова балалар үйінің барлық тәрбиеленушілерін алда келе жатқан мерекемен құттықтап, тек жарқын болашақ тіледі.

- Біз түрлі ұлт өкілдері татулық пен келісімде өмір сүретін жерге келдік. Қуғын-сүргін кезінде, соғыс жылдарында қазақ халқы мәжбүрлеп қоныс аударылғандарды қабылдап, барынша көмектесті, оларға жандары ашып, қол ұшын берді. Қазір көптеген этнос өкілдері мейірбан қазақ даласын мекендейді. Қиын жылдарды жадында ұстап, қазақ халқына алғыс сезімімен   өмір сүруде. Біз осы ойларымызды өскелең ұрпаққа жеткізу үшін, оларға мейірімділік, толеранттылық пен қайырымдылық дәстүрі туралы айту үшін   келдік.  

Мереке қарсаңында сый жасаған «Вайнах» тобының мүшелеріне «Үміт» балалар үйінің ұжымы мен тәрбиеленушілері алғыстарын білдірді.

Кейін қарай