Маңғыстау облысында «Мың бала» мәдени-ағартушылық жобасы бастау алды. Ақтау қаласының №17 орта мектебінде  ағымдағы жылғы 16  қыркүйекте облысымыздың мұғалімдерінің қатысуымен  «Шуақты өлке» қоғамдық қоры  аталмыш жобаның таныстырылымын өткізді.

  «Мың бала» жобасы – түрлі этностық топтардың мектеп жасына дейінгі балаларына және мектеп оқушыларына қазақ тілі мен мәдени ортасына бой үйретіп, мемлекеттік тілді меңгеруіне, қазақтың тарихы мен мәдениетін, салт-дәстүрлері мен әдет-ғұрыптарын бойына сіңіру мүмкіндіктерін көздейді.

Жобаның мақсаты - түрлі этностық топтардың балаларына тілдерді жеделдете оқытудың «Тілдарын» әдістемесі бойынша «Сиқырлы қалам» инновациялық әдістемелік кешенінің және басқа да озық тіл үйрету құралдарының көмегімен мемлекеттік тілді үйрету.

Іс-шара барысында Маңғыстау облысы әкімі аппаратының «Қоғамдық келісім» КММ-сінің басшысы Джайлханова Амангүл Әбдіғалиқызы жобаның бағыттары, мақсаттары мен міндеттері туралы айтып берді. Бұл жобаны жүзеге асыруға оқытушыларды жемісті ынтымақтастыққа және мемлекеттік тілді оқыту сапасын арттыру мақсатында белсенді ат салысуға шақырды.

«Қоғамдық келісім» КММ баспасөз қызметі

Кейін қарай