5 сәуір күні Ақтөбе облыстық украиндардың «Оксана» ұлттық мәдени орталығы Ұлы Отан соғысы Жеңісінің 71 жылдығына арналған мерекелік концерт ұйымдастырды. Іс-шараға ҰОС ардагерлері мен тыл еңбекерлері, этномәдени бірлестіктер өкілдері, зейнеткерлер мен жастар, қала қонақтары қатысты. Ақтөбе облысы Қазақстан халқы Ассамблеясы хатшылығының меңгерушісі Ж.Нұршин құттықтау сөз сөйлеп, Ұлы Отан соғысы ардагерлері мен тыл еңбеккерлеріне алғыс сөзін арнады. Ол өз сөзінде осы қасиетті де қасіретті мерекеде, Ұлы Жеңіс күнінде елі мен жері үшін жанын пида еткен, туған жеріне, ауылына оралмай қалған қаһарман ерлерді бүкіл ел болып еске аламыз, ешқашанда жауынгер ерлігі мен жеңісті еңбегімен соққан еңбекшінің ерен ерліктері ұмытылмайтынын атап өтті.

Мерекелік бағдарламада көптеген майдан әндері шырқалды. «Оксана» халық хорының орындауында украин, орыс тілдерінде соғыс жылдарындағы әндер орындалды, «Барвинок» балалар үлгілі ұжымының орындауында ұлттық украин әндері айтылып, би биледі. Украин этномәдени бірлестігінің мүшесі Мұса Жәлелдің «Варваство» өлеңін оқыған сәтте, отырған көрерменнің көпшілігі көздеріне жас алды.

Қасіретті соғысты ұмытпаған, соғысты қаламайтын халық концертті «Ұмытуға – болмайды, қайтару мүмкін емес!» деп атады.

«Ақтөбе облысының әкімінің аппараты» ММ

«Қоғамдық келісім» КММ

баспасөз қызметі

тел.: 8-7132-55-83-42

e-mail: kogamdykaktobe@mail.ru

Кейін қарай