Астана қаласында «Қоғамдық келісімді нығайтудағы этномедиация институтының рөлі» тақырыбында сараптамалық кездесу өтті. Кездесуді ұйымдастырушы - Қолданбалы этносаяси зерттеулер институты.

Іс-шара барысында этносаралық қатынастар саласындағы медиацияны институттандыру мәселелері мен оның қазіргі қоғамдағы тәртіп пен заңдылықты қамтамасыз етуге әсері қарастырылды.

Кездесуге қатысушылар этномедитация қақтығыстарды шешуде, этникалық топтардың сенімі мен интеграциясын нығайтуға ықпал ете отырып, қоғамдық келісімді нығайтуда маңызды рөл атқаратынын атап өтті. Этномедиацияны тиімді пайдалану этносаралық қатынастардың сапасын едәуір жақсартып, қоғамның бірігуіне ықпал етеді.

Сарапшылар Ұлттық Құрылтайдың үшінші отырысында Президент белгілеген «Заң және тәртіп» қағидатын ілгерілетудің маңыздылығын атап өтті. Бұл тұрғыда этномедиация құралдарын қоғамдағы заңдылық пен тәртіпті қамтамасыз ету үшін пайдалануға болады.

Іс-шарада Қолданбалы этносаяси зерттеулер институтының директоры, саясаттану ғылымдарының кандидаты, ҚР Президенті жанындағы Ұлттық Құрылтай мүшесі Талғат Қалиев және «Қоғамдық келісім» РММ директоры Элина Масагутова баяндама жасады. Баяндамашылар арасында белгілі тарихшы Сымбат Шәкіров сөз сөйледі. Кездесудің модераторы Қолданбалы этносаяси зерттеулер институтының этномедиация орталығының этномедиаторы Рустем Бектрумов болды.

Талқылауға ҚР Мәдениет және ақпарат министрлігінің Этносаралық қатынастарды дамыту комитетінің, «Қоғамдық келісім» РММ өкілдері, сондай-ақ Қазақстан тарихы, саясаттану және заң саласындағы белгілі ғалымдар, сарапшылар, медиаторлар мен зерттеушілер қатысты.

Кейін қарай