2015 жылғы 16 қыркүйек күні Оңтүстік Қазақстан облыстық Қазақстан халқы Ассамблеясының кеңейтілген кеңесі өтті.

2015 жылғы 16 қыркүйек күні Оңтүстік Қазақстан облыстық Қазақстан халқы Ассамблеясының кеңейтілген кеңесі өтті.

Мәжілісті облыс әкімі аппараты басшысының орынбасары - ассамблея хатшылығының меңгерушісі М.Қалмұратов жүргізіп отырды.

Кеңес отырысына қала, аудан әкімдерінің орынбасарлары, ішкі саясат бөлімдерінің басшылары, облыстық этномәдени бірлестіктердің төрағалары, ғылыми-сарапшылық топтың, аналар кеңесінің мүшелері, облыс әкімі аппаратының «Қоғамдық келісім» КММ-нің қызметкерлері және БАҚ өкілдері қатысты.

Мәжілісте облыстық ассамблея жанындағы ғылыми-сарапшылық топтың жетекшісі Қалыбекова Асма Ахметқызын 70 жасқа толуына орай облыс әкімінің орынбасары Е.Айтахановтың құттықтау хаты оқылып, арнайы сый-құрмет көрсетілді. Сондай-ақ Оңтүстік Қазақстан облысы Қазақстан халқы Ассамблеясы жанындағы аналар кеңесінің төрайымдығына Оспаналиева Рәшкүл Жәлелқызының  кандидатурасы ұсынылып, бірауыздан сайланды. Р.Оспаналиева облыстық мәслихаттың депутаты, «Саясаткер әйелдер» клубының төрайымы, облыстың қоғамдық-саяси өміріне белсене араласады.

Сондай-ақ «Оңтүстік Қазақстан облысы халқының мәдени мұрасын жаңғырту және сақтау арқылы этносаралық және конфессияаралық келісімді дамыту» тақырыбында М.Әуезов атындағы ОҚМУ-дың профессоры, п.ғ.д., облыстық ассамблея жанындағы ғылыми-сарпашылық топтың жетекшісі А.Қалыбекованың баяндамасы тыңдалды. Қазақ хандығының 550 жылдығына арналған «Ұлы дала елі» атты республикалық тарихи-мәдени экспедициясын ұйымдастыру және өткізу мәселесі басты назарда болды. Мәселені талқылауға мәжіліске қатысушылардың барлығы белсене атсалысты.

__________________

Анықтама алу және БАҚ-ты тіркеу үшін байланыс телефондары:

+7 (7252) 77-05-97, +7771-137-06-82

ОҚО әкімі аппаратының «Қоғамдық келісім» КММ- нің баспасөз қызметі

Кейін қарай