Орал қаласында этномәдени бірлестік пен «Қоғамдық келісім» өкілдерінің қатысуымен медицина қызметкерлерін марапаттау шарасы өтті.

Шараны «Қоғамдық келісім» КММ басшысының орынбасары Жамал Ихсанова алғысөзімен ашты. Ол медицина қызметкерлеріне алғысын айтып, жылы лебізін білдірді. Қиын кезеңде күні-түні індетке қарсы еңбек еткен 20 медицина қызметкері алғысхаттармен марапатталды.

Марапаттау рәсімі кезінде «Вайнах» шешен – ингуш этномәдени бірлестігінің төрағасы Д.А Саратов, БҚО ардагерлер ұйымының төрағасы Берген Мақсот және татар этномәдени бірлестігінің мүшесі Э.Амирова ақ халатты абзал жандарға ақ тілектерін жеткізді.

Марапаттау рәсімінен кейін марапатқа ие болғандар өздерінің алғыс білдіру сөздерінде барша медицина саласы қызметкерлерінің басты мақсатының ортақтығын, азаматтардың дертіне шипа беріп, дер кезінде сапалы жәрдем көрсету екендіктерін бір ауыздан атап өтті.

Кейін қарай