Қазақстан Тәуелсіздігінің 30 жылдығы қарсаңында түрлі этностар арасында достық, ынтымақтастық, бірлікті нығайту, насихаттау мақсатында Жамбыл облысы Қордай аудандық Мәдениет үйінде облыс әкімдігінің ішкі саясат басқармасының «Қоғамдық келісім» КММ филиалының және аудандық Мәдениет үйінің ұйымдастыруымен «Достық негізі - бірлікте» атты концерттік бағдарлама мен көрмеден тұратын этнофестиваль өтті.

Мәдениет үйінің фойесінде өткізілген көрмеде әр этностың ұлттық тағамдары мен қолөнері жұртшылық назарына ұсынылды. Сондай-ақ, іс-шарада әрбір ұлттың халықтық музыка аспаптары мен ұлттық нышандағы ән-әуендері аудан тұғындарына көтеріңкі көңіл-күй сыйлады.

этнофестивальде, «Коре» этномәдени бірлестігінің өкілі Ким Тимур, Татьяна Савченко, Людмила Калашникова мен Марина Гончарова өз өнерлерін ортаға салды. Света және Полина Шевченколар Абайдың күйі «Торжорғаны», ал Алина Айтиева Бақтыбайдың композициясы «Әуенді» әсерлі сезіммен орындап берді.

Кеш соңы концерттік бағдарламаның барлық шығармашылық тобы – қатысушыларының орындауында композитор Ескендір Хасанғалиевтің достық пен бірліктің символына айналған «Атамекен» әнімен аяқталды.

Ауданның мәдени-рухани өміріне белсене араласып, этнофестивальда өнер көрсеткен барлық қатысушылар алғыс хаттармен және естелік сыйлықтармен марапатталды.

Кейін қарай