Алматыда белгілі жазушы-драматург Мұхтар Әуезовтің 125 жылдығына арналған Орталық Азия елдерінің VIII Халықаралық театр фестивалі аяқталды.

Фестиваль Қазақстан халқы Ассамблеясының қолдауымен өтіп, ашылу салтанатында ҚХА Төрағасының орынбасары, ҚР Президенті Әкімшілігі ҚХА хатшылығының меңгерушісі Марат Әзілхановтың арнайы жолдаған құттықтауы оқылды.

Іс-шараға ҚР Мәдениет және спорт министрі Дәурен Абаев, белгілі театр және кино актері, «Отан» орденінің иегері Асанәлі Әшімов, мәдениет және өнер қайраткерлері, шетелдік театр труппалары, Алматы тұрғындары мен қонақтары және т. б. қатысты.

Іс-шара барысында фестиваль жеңімпаздарын марапаттау рәсімі өтіп, дипломдар мен арнайы естелік сыйлықтар табысталды.

Халықаралық іс-шараның құрметті қонақтары мен қатысушылары бұл фестиваль серіктестік қарым-қатынастарды қалыптастыруға, ең бастысы, Орталық Азия ұжымдары үшін бірыңғай театр кеңістігін құруға ықпал еткенін айтты. Олардың айтуынша бұл іс-шара бірлескен шығармашылық қызметті жүзеге асыру және көркемдік көкжиектерді кеңейту үшін өңір елдерінің дарынды жастарына елеулі қолдау көрсетуге мүмкіндік береді. Бірлескен шығармашылық жобаларды құру заманауи театр өнеріне назар аударатыны сөзсіз.

Жиын соңында жеңімпаздардың құрметіне арналған концерттік бағдарлама өтті.

Кейін қарай