2015 жылғы 4 қыркүйекте сағат 11.00 М.Горький атындағы Мемлекеттік Академиялық Орыс драма театрында (Астана қаласы, Желтоқсан көшесі, 11), Қазақстан халқы Ассамблеясы және «Қазақстан халқы Ассамблеясының қоры» ҚҚ Қазақстан Республикасы Мәдениет және спорт министрлігінің қолдауымен ҰОС жеңістің 70 жылдығына арналған қоғамдық-патриоттық науқан аясында «Көк орамал: ұрпақ тағзымы» Республикалық концерт-акциясын өткізді.

2015 жылғы 4 қыркүйекте сағат 11.00 М.Горький атындағы Мемлекеттік Академиялық Орыс драма театрында (Астана қаласы, Желтоқсан көшесі, 11), Қазақстан халқы Ассамблеясы және «Қазақстан халқы Ассамблеясының қоры» ҚҚ Қазақстан Республикасы Мәдениет және спорт министрлігінің қолдауымен ҰОС жеңістің 70 жылдығына арналған қоғамдық-патриоттық науқан аясында «Көк орамал: ұрпақ тағзымы» Республикалық концерт-акциясын өткізді.

Аталмыш іс-шара соғыс жылдарындағы сүйікті әндерді орындаған ҚР Қорғаныс министрлігі оркестрінің өнерін тамашалаудан басталды.

Акцияның құрметті қонағы, «мемориалдық аймақ» іздеу жасағының жетекшісі Майдан Құсаинов өз сөзінде соғыс бәріміз үшін қиын түскенін, ешкімді аямай, бірталай адамның тағдырын қиғанын айтты. Ол жиналған қауымға соғыстың қиын жылдары туралы өзінің өлеңін оқып берді.

Қазақстан халқы Ассамблеясы, ҚХА қоғамдық құрылымдары, этномәдени бірлестіктер мен жастар ұйымдарының атынан сөз сөйлеген ҚР Президенті жанындағы «Қоғамдық Келісім» РММ директоры – Наталья Калашникова ардагерлер мен барша жиналған қауымды Ұлы Отан Соғысындағы жеңістің 70 жылдығымен құттықтады. Өз сөзінде Наталья Павловна 2015 жыл Қазақстан халқының тарихын бейнелейтін елеулі мерейтойларға толы екенін айтып, ҰОС жеңістің 70 жылдығына арналған ҚХА іс-шараларына тоқталды. Сондай-ақ ол ерлігі халық жадында мәңгі сақталатын ардагерлерге шексіз алғысын білдірді. Сөз соңында «Қоғамдық Келісім» РММ директоры «мемориалдық аймақ» іздеу жасағының мүшелеріне «Қазақстан халқы Ассамблеясына 20 жыл» меретойлық медальдарын табыстады.

Акция барысында ардагерлерге құрмет көрсетіліп, естелік сыйлықтар табысталды. Сонымен қатар ардагерлерге арналған ең үздік ашық хат пен өлең түріндегі құттықтау бойынша «Ардагерге ашық хат» онлайн-конкурсының қортындысы шығарылып, Аня Шевлянкова (Тараз), Агаева Сабина (Қараганды), Воганова Вадерия (Тараз), Ошанбаев Жасулан (Атырау), Абсеивич Заринаның жұмыстары үздік деп танылды.

Іс-шара соңында Астана қаласы этномәдени бірлестіктердің қатысуымен мерекелік концерт ұйымдастырылды. Акцияға ҰОС ардагерлері мен тыл еңбеккерлері, ҚХА мүшелері, ҚР Қорғаныс Министрлігінің оркестрі, мемлекеттік мекемелер, этномәдени бірлестіктер мен үкіметтік емес ұйымдардың өкілдері, жастар қауымы қатысты.

Кейін қарай