Қазақстан халқы Ассамблеясы

11 Тамыз, 2022

31

Қостанай қаласында «Ұлы дала ұрпақтары» ұлттық мәдениет фестивалі болып өтті

А.Байтұрсынұлы ескерткіші алдындағы алаңда 7 киіз үйден тұратын этноауыл құрылып, онда қолданбалы өнер шеберлері жұмыстарының көрмелері орналасты, сондай-ақ киіз үйлерде асық ойнатылып, ұлттық нақыштағы заттар мен қазақтың ұлттық тағамдары сатылды.

Іс-шара барысында сахнада жергілікті әртістер өнер көрсетіп, қала тұрғындары мен қонақтарына шынайы мерекелік көңіл-күй сыйлады. Мұнда қазақтың ескі, сондай-ақ заманауи әндері шырқалып, домбыра, қобыз және жетігеннің әуезді дауыстары естілді.


Іс-шара соңында фестиваль аясында ұйымдастырылған «Ұлт асылы» сұлулық пен өнер байқауының қатысушылары өз өнерлерін көрсетті. Қыздар бұған дейін өзін-өзі таныстыру, ұлттық дәстүрді көрсету және ұлттық тағам дайындау сияқты байқаудың алғашқы кезеңдерінен өткен болатын. Шығармашылық кезеңде қыздар ән айтып, би билеп, тіпті мәнерлеп те оқыды. Қазылар алқасының шешімі бойынша Рудный қ. информатика мұғалімі Балауса Есетова жеңімпаз атанды.


Кейін қарай