Пікір алмасу алаңы Қазақстан Республикасы Тәуелсіздігінің мерейтойына арналған 25 жұлдызды күн жоспары шеңберінде облыстық Достық үйінде ұйымдастырылды.

Іс-шараға тәжірибелі заңгерлер, құқықтану кафедрасының өкілдері, құқықтанушы-студенттер ғана емес, сондай-ақ қызметін доғарған судьялар, медиаторлар, этномәдени бірлестіктерінің өкілдері шақырылды.

Дөңгелек үстел барысында қазақстандықтардың конституциялық құқықтары, қылмыстық істер заңнамасы дамуына Қазақстан Республикасы Конституциясының ықпалы, Қазақстанда медиацияның дамуы, Қазақстан халқы Ассамблеясы қызметінің конституциялық-құқықтық негізі, Конституция және соттық билік тәуелсіздігі талқыланды.

«Біздің Конституциямыздың тұрақтылық кепілгері, мемлекеттік жүйе жетекшісі -Республика Президенті болып табылады. Елбасы  саясаты арқасында  Қазақстан егемен, тұрақты, дүниежүзілік қауымдастықта танылған, басты құндылығы адам, оның өмірі, құқығы және бостандығы болып табылатын   мемлекетке айналды», - деді өз сөзінде Қазақстан халқы облыстық Ассамблеясы ғылыми-сарапшылық тобының мүшесі Валерий Вишниченко.

Кейін қарай