2017 жылғы 18 шілдеде Қазақстан Республикасы Парламентінің Мәжілісінің депутаты М.М. Магеррамов елордалық этномәдени орталықтар өкілдерімен кездесті.

М. Магеррамов - Қазақстан коммунистік халықтық партиясы атынан  сайланған Қазақстан Республикасы Парламенті Мәжілісіндегі заңнама және сот-құқықтық реформа комитетінің мүшесі, Қазақстан халқы ассамблеясының депутаттық тобында да жемісті еңбек атқаруда.  

Кездесу барысында депутат Мәжілістегі қабылданатын заңдарды, қазақстандық бірлік пен толеранттылық моделін құрылымдаудағы Қазақстан халқы Ассамблеясының рөлін, қоғамдық сананы жаңғыртуға бағытталған реформаның маңыздылығын айтып берді.

«Мемлекет басшысының «Болашаққа бағдар: рухани жаңғыру» бағдарламалық мақаласындағы қазақстандық қоғамды рухани жаңғыруға арналған бағдар біздің елді жаңа сапалық деңгейге көтереді»,-деп атап өтті сөз орайында  М. Магеррамов.

Депутат елордалық этномәдени орталықтардың өкілдерін Мәжіліс жұмысындағы заң шығару ісіне атсалысуға шақырды және оған барлық жағдай жасалғанын жеткізді. ҚР Парламенті Мәжілісінде ҚХА мүддесіне сай жұмыс істейтін 9 депутат бар. Сонымен бірге, Қазақстан халқы Ассамблеясы және Қазақстан коммунистік халықтық партиясы өзара ынтымақтастық меморандумына қол қойған әрі жұмыс тобы заң шығаруға қатысты тиімді істерді атқару үстінде.  

Жалпы қоғамдық келісім конституциялық принциптерге негізделген және ол мемлекеттің саяси мүддесіне сай жұмыс істейді. Ал этномәдени бірлестіктер біздің еліміздің этносаралық келісімі мен бірлігін нығайтуға аянбай атсалысуда.

Кездесу қорытындысында елордалық этномәдени орталықтардың өкілдері өздерінің негізгі қызметіне тағы бір мәрте кеңінен тоқталып, сұрақтарына тұщымды жауап берген депутатқа алғыс сезімдерін білдірді. Сонымен, екіжақты кездесуде этномәдени орталықтардың жұмысына қатысты заң актілерін бірлесіп қабылдау қажеттігіне тоқталды.

Дата события ассамблеи: 18.07.2017

Кейін қарай