Павлодардағы Достық үйінде «Рухани Жаңғыру» бағдарламасы аясында бұрын Қазақстанда тұрған, кеңестік және поляктың танымал әншісі Анна Германға арналған «Эхо любви, Павлодар» атты ән фестивалі өтті.

Фестивальға оның директоры Ринат Дусумов және Польша Республикасының Нұр-Сұлтан қаласындағы Бас консулы Юстина Дудар қатысты.

Осы байқаудың жүлдегері қараша айында Нұр-Сұлтан қаласында өтетін республикалық фестивальге шақырту алады. Ал Бас жүлдені «Бриз» вокалды тобы жеңіп алды.

Фестиваль аясында «Поляк әншісі Анна Германның өмірі мен шығармашылығы» атты шығармашылық конференция өтті, онда тарихи фотосуреттер көрмесі, С. Торайғыров атындағы облыстық кітапхана, Н. Шафер мұражай-үйінің, М. Цветаева мұражайының өкілдері дайындаған грампластинка тыңдалып, «Жарқыраған бейтаныс жұлдыз» атты деректі фильм көрсетілді.

Сондай-ақ, Қ. Даржұман атындағы ҰЖМ оқушылары мен Елордадан поляк филологиясының магистрі, А.Янушкевич атындағы поляк тілі кабинетінің кураторы Юстина Цалчыньска «Анна Германның әндеріндегі метафоралар» тақырыбына ашық сабақ өткізді.

Фестивалдің қорытынды кезеңінде Павлодар, Нұр-Сұлтан, Өскемен, Екібастұз қалаларының кәсіби және әуесқой әртістердің қатысуымен Гала-концерт өтті.

Кейін қарай