Павлодар облысының Қазақстан халқы ассамблеясы Алғыс айту күні мен ҚР Тәуелсіздігінің 30 жылдығына арналған «30 игі іс» қайырымдылық марафонын бастады.

«Халкъан Барт» шешен-ингуш этномәдени бірлестігінің мүшелері 75 көп балалы және аз қамтылған отбасыға азық-түлік себеттерін табыстады. Шешен-ингуш ЭМБ төрағасы Михаил Аушев соғыстың ауыр жылдарында ата-бабаларына қол ұшын созған қазақ халқының мейірімділігі мен жанашырлығына ризашылығын жеткізді.

Шешен-ингуш ЭМБ ақсақалдарының бірі Хамзат Даурбеков Қазақстанға депортацияланғандағы қиындықтары мен ауыр сынды еңсере алмай қаза тапқандар туралы айтып берді.

«Ар-Рахым» мешітіне жиналғандар сол жылдары қаза болғандардың рухына арнап дұға бағыштады. Павлодар облысының бас имамы Жолдас қажы Бердімұратов ата-бабаларды құрметтеудің маңыздылығын атап өтті.

- Шешен-ингуш диаспорасы осы құндылықтарды негізге алып, ұрпақтар арасындағы байланысты нығайтуға септігін тигізетіні қуантады, - деді ол.

Кейін қарай