2016 жылғы 12 қарашада «Тәуелсіз Қазақстан» пойызы Петропавл қаласының стансасына келіп тоқтады. Пойыз делегациясының құрамына денсаулық сақтау, білім беру министрліктерінің, Қазақстан халқы Ассамблеясының жетекші мамандары, қоғам қайраткерлері, ҚР Парламенті мәжілісінің депутаттары, ҚР Президенті жанындағы «Қоғамдық келісім» РММ және ұлттық компаниялардың өкілдері кірді. Кешқұрым уақытқа және солтүстіктің аязына қарамастан, қонақтар көңілді де қуанышты қарсы алынды. Салтанатты кездесуге мемлекеттік органдардың, этномәдени бірлестіктердің қызметкерлері, жастар, білім беру, мәдениет, азаматтық сектор саласының өкілдері, қоғамдық пікірлер көшбасшылары, БАҚ және т.б. жиналды.

Облыс әкімінің  орынбасары Айдарбек Сапаров қонақтарды қарсы алып, еліміздің Тәуелсіздігінің 25 жылдығымен құттықтады.

Бұл акцияның басты мақсаттары мен міндеттері туралы пойыз штабының басшысы Әміржан Альпеисов айтып берді:

-Республикалық акцияның мақсаты Қазақстан Президенті Н.Ә.Назарбаевтың басшылығымен еліміздің қол жеткізген жетістіктерін көрсету, халықтар бірлігін нығайту, ел дамуының негізгі басымдықтары аясында шоғырлану, мәдени және қоғамдық іс-шараларды өткізу, халыққа медициналық, әлеуметтік, құқықтық қызметтер көрсету және де кәсіпкерлікті, ауыл шаруашылығын қолдау мәселелері бойынша кеңес беру қызметтерін ұйымдастыру. 

«Тәуелсіз Қазақстан» пойызы ондаған елдімекендерде болды және алда әлі ұзақ жол тұр. Петропавлда Қоғамдық келісім кеңесінің қоғамдық қабылдауын өткізу жоспарлануда, осы уақытта  сарапшылар пулы әлеуметтік, заңгерлік, медициналық және басқа да маңызды мәселелер туралы кеңестер береді. Сонымен қатар, Қазақстан Республикасы Тәуелсіздігінің 25 жылдығына арналған дәрістер-тұсаукесерлер күтілуде және де қонақтарды  қайырымдылық шаралар мен мерекелік концерттен тұратын «Жақсылық жаса!» қайырымдылық акциясы күтіп тұр. Ал акциядан жиналған қаражат аса сырқат екі баланы – Иван Зологинді, Артур Куриевті емдеуге жұмсалады. Нәтижесінде «Тәуелсіз Қазақстан» пойызы» акциясының қорытындысы шығарылатын брифинг өткізілді. 

Кейін қарай