Петропавл қаласының Достық үйінде Қазақстан Республикасы Парламенті Мәжілісінің депутаттары Солтүстік Қазақстан облыстық Қазақстан халқы ассамблеясының этномәдени бірлестіктерімен, жергілікті жоғары оқу орындарының студенттерімен және оқытушыларымен, сондай-ақ ҚР Ұлттық гвардиясы Әскери институтының курсанттарымен кездесті.

Күн тәртібінде биліктің тармақтары арасында өкілеттіктерді қайта бөлу жөніндегі Қазақстан Республикасы Президентінің үндеуін және "Қазақстанның үшінші жаңғыруы: жаһандық бәсекеге қабілеттілік" атты Президент жолдауын талқылау болды.

Делегация құрамында ҚР Парламенті Мәжілісі Халықаралық істер, қорғаныс және қауіпсіздік комитетінің мүшесі – Тасболатов Абай Бөлекпайұлы, ҚР Парламенті Мәжілісі Халықаралық істер, қорғаныс және қауіпсіздік комитетінің мүшесі – Тимощенко Юрий Евгениевич, ҚР Парламенті Мәжілісі Халықаралық істер, қорғаныс және қауіпсіздік комитетінің мүшесі – Чирков Михаил Владимирович, ҚР Парламенті Мәжілісі Экология мәселелері және табиғат пайдалану комитетінің мүшесі Өтемісов Шавхат Әнесұлы, ҚР Парламенті Мәжілісі Әлеуметтік-мәдени даму комитетінің мүшесі – Клименко Иван Иванович, ҚР Парламенті Мәжілісі Әлеуметтік-мәдени даму комитетінің мүшесі – Абсатиров Кеңес Ғарапұлы бар.

Жиналғандар «Мемлекет басшысы мемлекетті дамытудың жаңа векторларын жасады және ортақ мақсатты іске асыру үшін жаңа міндеттер қойды. Бүгінгі таңда бұл постулаттар еліміздің әр азаматына арналған. Біз – біртұтас елдің азаматтарымыз, біз – біртұтас, тату халықпыз, алдымызда ортақ бір мақсат тұрғанда, біз қажырлы да қайсар әрекеттер жасауымыз керек» деген ортақ пікірлерін білдірді.

Кейін қарай