ҚР Тәуелсіздігінің 30 жылдығына орай өткізіліп жатқан игі істер эстафетасына Петропавл қаласындағы «Қазақстанның орыс қауымы» ҚБ Солтүстік Қазақстан облыстық филиалының төрағасы Н.А. Авдеев және «Сібір казактарының бауырластығы» ҚБ төрағасы В.А. Таранов қатысып, көмекке мұқтаж жандарға қайырымдылық жасады.

Алдымен белсенділер 82 жастағы зейнеткер Г.И. Веберге барып, азық-түлік себетін тапсырып, қарияның ақ батасын алды.

Қайырымдылық шараларына облыс тұрғындары мен ерікті жастар да ерекше үлес қосып жүр. Мәселен, Саумалкөл ауылынан келген «Орыс қауымының» мүшелері С. Заикин, С.Цалко және И. Минеев осы қыста 18 жеке ауланы қардан тазартып, зейнеткерлердің үйіне дәрі-дәрмектер мен азық-түліктер жеткізген.

Агротехникалық колледж студенттері А. Середистов пен Н. Спиваков та ерікті жастарға қосылып, игі шаралардың басы-қасында жүрді.

«Жақсылық жаса» - «Делай добро» акциясы жалғасын табады дейді белсенділер мен қайырымды жандар.

Кейін қарай