Бүгін Қазақстан Республикасы Президентінің кеңесшісі Мәлік Нұржанұлы Отарбаев Достық үйінде болды. Алдымен ҚХА этномәдени бірлестіктері мен Қ. Даржұман атындағы ұлттық жаңғыру мектебінің қызметімен танысты.

Одан соң Мемлекет басшысы Қ. Тоқаевтың Ұлттық құрылтайдың «Адал адам – Адал еңбек – Адал табыс» атты үшінші отырысында берген тапсырмаларын іске асыру мәселелері жөніндегі дөңгелек үстел жұмысына қатысты. Жиында Павлодар қаласының Құрметті азаматы Кенже Кеңесбаев, аумақтық кәсіподақтар бірлестігінің төрағасы, мәслихат депутаты Динара Айтжанова, ҚР Жазушылар Одағы облыстық филиалының төрағасы Серік Елікбай мен Журналистер Одағы облыстық филиалының төрағасы Болат Аманбаев, "Марғұлан атындағы Павлодар педагогикалық университеті" КЕАҚ археологиялық зерттеулер институтының директоры Тимур Смағұлов және басқа да спикерлер сөз сөйледі.

Дөңгелек үстелде еліміздің жарқын болашағына байланысты пікірлер, ҚР Президентінің тапсырмаларын іске асыру бойынша жүргізіліп жатқан жұмыстар туралы айтылды.

Іс-шараны қорытындылай келе, М. Н. Отарбаев барлық кездесулер мен құрылтайларда Мемлекет басшысы азаматтардың әділдігі мен жауапкершілігі туралы айтып отырғанын атап өтті. Ол сондай-ақ Президенттің «Алтын орда» дәуіріне еліміздің маңызды дәстүрі ретінде мән беретінін атап өтті.

Кейін қарай